HOEKOM MONNIES?

• Hoë geestelike normes en -waardes te handhaaf;
• effektiewe ouer- en gemeenskapsdeelname;
• die werwing, opleiding en behou van gehalte personeel;
• die effektiewe en professionele bestuur en beheer van die skool;
• die verryking en ontwikkeling van kurrikulum in ‘n voortdurende veranderende omgewing;
• die totale menswees van die leerder te ontwikkel;
• gehalte tegnologie en fasiliteite daar te stel;
• die unieke “Monnie Manier” uit te bou.

Die hoofdoel van hierdie sentrum is om enige struikelblok tot leer te identifiseer, aan te spreek, op te volg en te monitor tot voordeel van elke kind. Die sirkel van rolspelers is gedurig aan die groei en sluit in: neuroloë, psigiaters, sielkundiges, beraders, spelterapeute, welsynwerkers, spraakterapeute en arbeidsterapeute. Deurlopende kommunikasie met ouers en onderwysers as deel van die span is van kardinale belang. Mev. Bessie Stofberg staan aan die hoof van die LO-afdeling, saam met Me. Elisma Williams (Opvoedkundige Sielkundige) en Me. Carine Labuschagne, nooi hulle voornemende ouers vriendelik uit om enige tyd kontak met die span te maak by ondersteuning@monnies.co.za

Die personeel van die naskool se doelwit is om ‘n veilige en geborge omgewing vir elke leerder te skep, sodat ouers hul dagtake kan verrig. Hulle prioriteit is die voltooiing van leerders se huiswerk. Leerders kan ook deelneem aan kultuur-, sport- en ander aktiwiteite wat op die skoolterrein aangebied word.
Heerlike gebalanseerde middagetes word op ‘n daaglikse basis in ons ruim toegeruste eetsaal voortgesit. Die tarief vir etes is baie billik en word vars voorberei deur die Monnies Snoepie. Leerders wat nie in die eetsaal eet nie, kry ook die geleentheid om hul eie te nuttig of onder toesig te speel. Leerders ontvang elke middag 16:00 yskoue water en ete-maatjies kry ‘n toebroodjie. Die naskool beskik ook oor ‘n goed toegeruste siekekamer waar leerders met liefde na omgesien word.
‘n Goed georganiseerde vakansieskool met interessante projekte word tydens skoolvakansies aangebied.
Tye: Graad 1 – 7: 13:30 – 17:30
Vakansieskool: 07:00 – 17:30